Act 26 | PONPDN | STEP | AKRIPA ap masani on Paulus: Koe me saladoklar en kapakaparok ki pein uk. Paulus ap kapa wei lim a, kadededar pein i:

Acts 26

1 AKRIPA ap masani on Paulus: Koe me saladoklar en kapakaparok ki pein uk. Paulus ap kapa wei lim a, kadededar pein i: 2 I ap peren kidar main nanmarki Akripa, me i pan kapakaparok mo ’mui ran wet duen meakan, me Sus oko pan kin ia la, 3 Pwe komui me erekilar en Sus oko ar lamalam o peipeidok kan, i ap poeki re omui, en kotin kanonama mamani ia. 4 Ai wiawia kan arain maur i, me tapida Ierusalem ren sau i kan, Sus akan karos asa due. 5 Irail me asa ia san mas kokodo, ma re men kadede ia, me nai kisan pwin kelail en at lamalam, me ad a Parisar. 6 Nai ari mi mon kadeik, pweki ai kaporoporeki inau o, me Kot kotiki on sam at akan. 7 Nan i inau o, me at kainok eisokriau kin kaporoporeki, me re pan pwaiki on ar nantion kaudok on Kot ni ran o ni pon. Main nanmarki Akripa iei kaporopor me i pan kila ren Sus oko. 8 Da me komail sota kamelele, me Kot kotin kaiasada me melar akan? 9 Mas o i kiki on, me i en wiada meakan, me kaokaoe mar en lesus en Nasaret. 10 I me i pil wiadar nan Ierusalem; o me saraui kan toto me I saliedier on nan imaten murin ai aleer manaman san ren samero lapalap akan o irail lao kamelar, nai pil sauasa. 11 I kame irail pan pak toto nan sinakoke kan karos, o koidon on irail, re en lalaue, o nai linaranar kaualap pa ’rail; i kin kame irail lel on kanim en wai kan. 12 A ni ai wiawia mepukat, o kokolan Damaskus ni manaman en samero lapalap, 13 Main nanmarki, nin sauas i ap kilanadar nani al o marain eu san nanlan, me linan san katipin, me sensereda imp ai o me ian ia kai. 14 Kit karos lao pupedier nani pwel, i ap ronadar nil eu, katitiki on ia ni lokaia en Ipru: Saul, Saul da me koe kamekame kin ia? Nan a pan apwal on uk, en tametame tek o. 15 Nai ari idok: Is komui Main? Kaun o ap kotin masani: Nai lesus, me koe kin kame. 16 Koe ari paurida, kasinenda, pwe i me I pwaraki don uk, pwen kasapwil uk ada, pwe koe en papa o saunkadede men en meakan, me koe kilanada, o meakan, me I pan kapwara don uk. 17 O l pan dondore san uk ni pa en aramas akan o men liki kan me I pan kadar uk wei on, 18 Pwen kapad pasan mas arail, pwe re en wuki san rotorot, wuki on marain, o san ni manaman en Satan on Kot, pwe re en lapwa san dip ar akan, o ren ale ar soso ren me kamakelekele kidar poson. 19 Ari main nanmarki Akripa, I sota sopeiki on kasansal en nanlan o. 20 Pwe mas i padaki on toun Damaskus o Ierusalem, o sap en ludaa kan, o men liki kan, en kalula o wiiki on Kot, o kapwaiada wan kalula mau. 21 Nan i me Sus akan saik ia kidi nan im en kaudok o, o re son kame ia la. 22 Ari so, en Kot a kotin ieian ia, me i mimieki lao lel ran wet, padapadaki me tikitik o me laud akan, o sota me i inda, i eta, me saukop akan o Moses pil masanier, me pan wiaui: 23 leteten, Kristus en kamekam, o me a pan men mas en me pan iasada san ren me melar akan, o padaki on toun wei o pil on men liki kan duen marain o. 24 A ni a kapun kila mepukat, pein i Pestus ap nil laudeda masani: Paulus, koe iakalar! om sukusukul toto me kapwepwe uk adar. 25 A Paulus kotin masani: I sota iakalar main isou Pestus, a kin kida kasoi melel o pun. 26 Pwe nanmarki kotin mani duen mepukat; i me i pil aima padapadakieki on i, pwe i asa, sota meakot, me a sota kotin ereki, pwe kaidin wasa rir, me mepukat wiauier. 27 Nanmarki Akripa, komui poson saukop akan? I asa, me komui kin poson. 28 Akripa ap masani on Paulus: Me tar kis, a komui pan kainon on ia en saulanala. 29 Paulus masani: I nonki on Kot, me komui o karos, me roneron ia ran wet, en dueta nai, a iermen sal mata pot et. 30 Nanmarki, o kopina, o Pernise, o me ian irail kaipokedi wasa o, ap kotida, 31 O kelepala, ap kapakaparok nan pun ar mamasani: Aramas men et sota kin wiada me war on kamela de salidi. 32 Akripa ap masani on Pestus: Aramas men et pan lapwada, ma a sota dorolan Sisa.